Beynəlxalq gənclər hərəkatlarında təmsil olunmaq, gənclər və təhsil sahəsində xarici ölkələrin təcrübəsini öyrənmək və yaymaq, eləcə də beynəlxalq layihələrdə iştirak etmək və həyata keçirmək Mərkəzin əsas fəaliyyət istiqamətidir.
Hazırda Mərkəz ABŞ, Böyük Britaniya, Türkiyə, Fransa, Almaniya, Rusiya, İsrail, Belçika, Macarıstan, Niderland, Makedoniya, Gürcüstan, Moldoviya, Ukrayna, Belarus, Estoniya, Latviya, Litva, Finlandiya, Rumıniya, Slovakiya, Çexiya, İtaliya, İspaniya, Polşa və Albaniyada yerləşən aktiv gənclər və təhsil təşkilatları ilə əməkdaşlıq edir.
Hər il 200-dən artıq gənc dünyanın müxtəlif ölkələrində təşkil edilən beynəlxalq tədbirlərdə (konfrans, təlim, seminar, yay və qış düşərgələri, müsabiqələr və s.) Mərkəzi təmsil edir.
Mərkəz aşağıdakı regional və beynəxalq Şəbəkələrdə təmsil olunur:
- Synergy Beynəlxalq Şəbəkəsi,
- Avropa Birliyinin Gənclər fəaliyyətdə proqramının informasiya təmsilçiləri Şəbəkəsi,
- CRİNGO Qafqazda qaçqın və məcburi köçkünlərlə işləyən QHT-lər Şəbəkəsi,
- Uşaq hüquqları üzrə Beynəlxalq İnformasiya Şəbəkəsi,
- Yoxsulluğun Azaldılması üzrə Avropa Şəbəkəsi,
- Qara Dəniz Gənclər Platforması.
