Gənclər üçün Təhsil Mərkəzi Avropa İnsan Hüquqları Məhkəməsinin 60 illik yubileyinə həsr olunmuş tədbirlər çərçivəsində Avropa Şurasının Azərbaycandakı İnformasiya Ofisinin dəstəyi ilə məqalə müsabiqəsi elan edir.

Məqalə müsabiqəsinin əsas məqsədi:
Tələbələrin Avropa İnsan Hüquqları Məhkəməsi ilə bağlı fikir və düşüncələrini öyrənmək, təhlil etmək və ictimaiyyətə çatdırmaqdır.

Məqalə müsabiqəsi üçün mövzular:
Müsabiqə iştirakçıları Avropa İnsan Hüquqları Məhkəməsi ilə bağlı müxtəlif mövzulardan istifadə etməkdə sərbəstdirlər.

Müsabiqə üçün əsas tələblər:
- Məqalələr yalnız hüquq və beynəlxalq hüquq fakültəsində təhsil alan bakalavr və magistlər tərəfindən hazırlanmalıdır;
- Məqalələr 3 səhifədən artıq olmamaq şərti ilə, A4 formatında, kompyuterdə (12 ölçülü Times New Roman şriftində, 1 interval ilə) tərtib olunmalıdır;

Müsabiqənin dili:
Müsabiqəyə təqdim olunan məqalələr azərbaycan dilində təqdim olmalıdır.

Müsabiqənin nəticələri:
Müsabiqəyə təqdim olunacaq bütün məqalələr 21 iyun 2010-cu il tarixindən etibarən Gənclər üçün Təhsil Mərkəzi tərəfindən yaradılmış ekspert qrupu tərəfindən nəzərdən keçiriləcək və qalib gəlmiş 3 məqalə “Tələbə” qəzetinin növbəti sayında dərc olunacaq.
Müsabiqənin nəticəsində 1-ci, 2-ci və 3-cü yerləri tutmuş gənclərə xüsusi diplom və hədiyyələr təqdim olunacaq.

Məqalələrin təqdim olunması üçün son müddət:
Məqalələr 18 iyun 2010-cu il, saat 17:00-dək qəbul ediləcək.

Məqalələr aşağıda göstərilmiş ünvanla yanaşı, office@ecy-az.org elektron poçt ünvanına da göndərilə bilər. Məqaləni elektron poçt ünvanı ilə göndərərkən başlıq kimi “Avropa İnsan Huquqlari Mehkemesi” yazın.

Əlaqə üçün:
Əlaqələndirici şəxs: Elnur Axundov
Ünvan: Bakı şəhəri, AZ 1141, Ş.Mehdiyev 93, 9-cu mərtəbə
Tel/faks: (+994 12) 434 22 03
Mob: (+994 55) 254 45 43
E-mail: elnur@gtm.az
www.gtm.az