“Work and Travel US” müsabiqəsinin qalibləri bəlli oldu

Dünən Gənclər üçün Təhsil Mərkəzinin “İnternational Exchange Center” MMC ilə birgə təşkil etdiyi “Work and Travel US Proqramı gənclərin gözü ilə” videorolik müsabiqəsinin nəticələrinin təqdimat mərasimi keçirilib.
1 ay öncə elan edilmiş müsabiqənin əsas məqsədi gənclərin “Work and Travel USA proqramı” haqqında məlumatlılığını artırmaq və onların bu proqramda iştirakını təşviq etməkdir.
Müsabiqəyə təqdim edilən 30-dan artıq video roliklər ekspertlər tərəfindən nəzərdən keçirildikdən sonra, onlardan ən yaxşı 3-ü dəyərləndirilib.
Keçirilən təqdimat mərasimində hər üç qalibə mükafat və diplom təqdim edilib. Beləliklə, 1-ci yerin qalibi ABŞ-da pulsuz olaraq Work and Travel US Proqramında iştirak etməyi, 2-ci yerin qalibi pulsuz olaraq xarici dil kursunda iştirak etməyi və 3-cü yerin qalibi xüsusi hədiyyə qazanıb.