Asudə vaxtın səmərəli təşkili uşaq və gənclərimizin gündəlik həyatlarında qarşılaşdıqları əhəmiyyətli məsələlərdəndir. İri şəhərlərimizdə müxtəlif ictimai iaşə, əyləncə və mədəniyyət ocaqlarının fəaliyyət göstərməsinə baxmayaraq, orada asudə vaxtlarını keçirənlərin sayı həddindən artıq azdır. Çünki onların əksəriyyəti pullu xidmət göstərir və gənclərimiz üçün əlverişsiz məkanda yerləşirlər.
Asudə vaxtın səmərəli təşkili problemi regionlarımızda xüsusilə nəzərə çarpır. Region gənclərinin və uşaqlarının gündəlik həyatını müşahidə etsək görərik ki, onlar asudə vaxtlarını ya evdə, ya bağ işlərində çalışmaqla, ya da çayxanalarda keçirirlər.

Gənclərin yay tətilini səmərəli və dəyərli keçirmələri üçün Gənclər üçün Təhsil Mərkəzinin reallaşdırdığı “Beynəlxalq Yay Düşərgələri” Proqramını özünün müsbət nəticələrini verməkdədir. Belə ki, yay mövsümü başlayandan bu günədək 26 gənc Fransanın müxtəlif şəhərlərində təşkil edilən beynəlxalq yay düşərgələrinə göndərilmişdir.
Müxtəlif ölkələrin gənclərinin də iştirak etdiyi bu düşərgələr uşaqlarla iş, sosial iş, incəsənət, əlillərlə iş, ekologiya, yenidənqurma və təhsil sahələrini əhatə edir. Yay düşərgələrinin həyata keçirilməsində əsas məqsəd gənclərin dünya görüşünün artırılmasında, yeni-yeni xarici dostlar qazanmasında, öz mədəniyyətlərini bir-birlərinə təqdim etməkdə və xarici dil biliklərinin inkişaf etdirilməsində kömək etməkdən ibarətdir.

Bu gün Gənclər üçün Təhsil Mərkəzinin cari ilin 15 aprelindən start verdiyi və 3 ay davam edən “Vətənpərvər kimdir?” sosioloji sorğusunun nəticələri açıqlandı.
Əsas məqsəd gənclərimizin vətənpərlik haqqında təsəvvürlərini və bu sahədə mövcud olan problemləri öyrənmək, eləcə də bunun nəticəsi olaraq tədbirlər planı hazırlamaq olan sorğu 3000-dən artıq gənci əhatə etmişdir.
Əsasən 14-25 yaş həddində olan gəncləri əhatə etmiş sorğu Bakı ilə yanaşı, 12 rayonda keçirilmişdir.
Konkret olaraq sorğunun nəticələri belədir:

Gənclər üçün Təhsil Mərkəzinin əməkdaşları Ukraynanın paytaxtı Kiev şəhərində keçirilən “Qafqazda təhsil üzrə əməkdaşlıq” adlı beynəlxalq konfransda iştirak edirlər.
Soros Fondunun Təhsilə Dəstək Proqramının maliyyə dəstəyi ilə keçirilən konfransın əsas məqsədi Qafqaz regionunda təhsil sahəsində QHT əməkdaşlığını gücləndirmək, birgə layihələr həyata keçirmək və vahid modellər təklif etməkdir.

Bu gün Gənclər üçün Təhsil Mərkəzi və onun mətbu orqanı olan “Tələbə” qəzetinin birgə təşəbbüsü ilə “Gəncliyimiz və 135 illik mətbuatımız” adlı dəyirmi masa keçirilmişdir.
Əsas məqsədi gənclərimizin milli mətbuatın inkişafında oynaya biləcəyi rolu və gələcəkdə verə biləcəklərin töhfələri müzakirə etmək olan tədbir milli mətbuatımızın 135 illik tədbirləri çərçivəsində keçirilmişdir.

Bu gün Gənclər üçün Təhsil Mərkəzində “QHT Məktəbi”nin yay proqramına yekun vurmaq məqsədilə təqdimat mərasimi keçirilmişdir.
Əsas məqsədi QHT fəlsəfəsini, konsepsiyasını, prinsiplərini təbliğ edən və QHT nümayəndələrinin bilik və bacarığını artırmaq istiqamətində fəaliyyətlər həyat keçirmək olan “QHT Məktəbi”nin təqdimat mərasimini giriş sözü ilə açan Mərkəznin direktor müavini Elnur Axundov proqram haqqında geniş məlumat vermiş, uğur və nəailiyyətləri tədbir iştirakçılarının diqqətinə çatdırmışdır.

Gənclər üçün Təhsil Mərkəzi bu ilin əvvəlindən başlayaraq Açıq Cəmiyyət İnstitutu Yardım Fondunun İctimai Səhiyyə Proqramının və Qlobal Fondun maliyyə dəstəyi ilə “Sumqayıt şəhərində zərərin azaldılması” layihəsinin icrasını uğurla davam etdirir.
Sumqayıt şəhərində həyata keçirilən layihənin əsas məqsədi gənclər arasında narkomaniya və AİDS-ə qarşı maarifləndirici, eləcə də profilaktik tədbirlərin gücləndirilməsidir.

Gənclər üçün Təhsil Mərkəzi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə yeni icrasına başladığı “Sosial problemlərin həllində könüllülük fəaliyyətinin inkişafı” layihəsi çərçivəsində “Könüllülük Məktəbi” yaratdı.
Region gəncləri arasında könüllülüyün təşviq edilməsi və gücləndirilməsi məqsədi ilə həyata keçirilən layihə çərçivəsində “Könüllülük Məktəbi”nin yaradılması müxtəlif regionlar üzrə təlimçilər qrupunun formalaşdırılmasını və həyata keçirilən təlimləri əlaqələndirməyi nəzərdə tutur.

Gənclər üçün Təhsil Mərkəzi bu gündən etibarən Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə yeni layihənin icrasına başlayıb.
“Sosial problemlərin həllində könüllülük fəaliyyətinin inkişafı” adlanan layihənin uzunmüddətli məqsədi region gəncləri arasında könüllülüyün təşviq edilməsi və gücləndirilməsidir.

Gənclər üçün Təhsil Mərkəzi cari ilin sentyabr ayında “Ali təhsildə QHT-lərin rolu” adlı konfransın keçirilməsini planlaşdırır.
Bu barədə mətbuata məlumat verən Mərkəzin direktor müavini Elnur Axundov bildirib ki, konfransın keçirilməsində əsas məqsəd ali təhsilin inkişaf etdirilməsi və bu sahədə mövcud olan problemlərin aradan qaldırılması istiqamətində yerli və beynəlxalq QHT-lərin potensialından yararlanmaq, QHT-lərin bu prosesdə fəal iştirakını təşviq etməkdir.